ನಿರಂತರ . . .: March 2010

Tuesday, March 23, 2010

ಆರ್ತನಾದ

ಸಾವಿರಾರು ದಿನಗಳವರೆಗೆ ಮನಸ್ಸಿನಲ್ಲೇ ಇರಿಸಿಕೊಂಡಿದ್ದ

ಕನಸನ್ನು ನನಸಾಗಿಸಬೇಕೆಂಬ ಹಂಬಲದಿಂದ

ಮಾಡಿದ ಪ್ರೀತಿಯ "ನಿವೇದನೆ" ಯನ್ನು

ಒಂದು ಕ್ಷಣವೂ ಪರಿಶೀಲಿಸದೆ ತಿರಸ್ಕರಿಸಿ

ಏಕೆ ನನಗೆ ನೀಡಿದೆ "ನೀ..ವೇದನೆ"??

ಆ ಕಡೆ ಈ ಕಡೆ ನೋಡುವ ಮುನ್ನ . . .

ಬೇಕೋ ಬೇಡವೋ ಎಂದು ಯೋಚನೆ ಮಾಡುವ ಗೋಜಿಗೂ ಹೋಗದೇ ಇದೇ ಜೀವನ ಅಂದುಕೊಂಡು ಸಂಬಂಧಗಳ ಜೊತೆಗೆ ಬದುಕುವ, ಭವಿಷ್ಯದ ಭಯದಲ್ಲಿ ಭದ್ರತೆಗಿರಲಿ ಎಂದು ಒಂದು ಕೆಲಸ ಮಾಡುವ, ಸಂತೋಷ ಆಗದೇ ಇದ್ದರೂ ನಗುತ್ತ, ದುಃಖ ಆದರೂ ಅಳದೇ, ಕಷ್ಟದಲ್ಲಿರುವವರನ್ನು ನೋಡಿ ಸಹಾಯ ಮಾಡದಿದ್ದರೂ ಕನಿಕರ ಪಡುವುದರಲ್ಲಿ ದಾಕ್ಷ್ಯಿಣ್ಯ ಮಾಡದೇ, ಅರ್ಥ ಇರಲಿ ಬಿಡಲಿ ಅನಿಸಿದ್ದನ್ನು ಮತ್ತು ಅನಿಸದೇ ಇರುವುದನ್ನೂ ಮಾಡುತ್ತಾ ಹೋಗುವ ಕೋಟಿ ಕೋಟಿ ಸಾಮಾನ್ಯರಲ್ಲಿ ನಾನೂ ಒಬ್ಬ.